Татьяна Подлипская-Гришаева У Клімавіцкім раёне прайшло свята сямейнай творчасці «Запрашаем да раднi». У чарговы раз аграгарадок Родня сустракаў гасцей. Сёлета ўпершыню ў ім удзельнічалі жыхары з Хоцімскага і Касцюковіцкага раёнаў.
Пачалося мерапрыемства з узнагароджання. Старшыня Клімавіцкага раённага Савета дэпутатаў Наталля Асмалоўская ўручыла дыпломы гаспадарам лепшага падворку аграгарадка Родня — Віталію і Алёне Асіпенка.Узнагароды за плённную працу ў гэты дзень атрымалі і работнікі Раднянскага СДК.
Кульмінацыйным момантам стала конкурсная праграма “Вясёлка сямейных талентаў”, у якой удзельнічалі пяць сямей. Па выніках конкурсаў перамагла каманда з Клімавічаў — сям’я Пусянковых.
Добры настрой стваралі ўдзельнікі мастацкай самадзейнасці. Працавалі разнастайныя выставы, тэматычныя пляцоўкі.
