Літаратурны марафон «З табой маё слова, Радзіма» да Міжнароднага дня роднай мовы прайшоў у Магілёўскай абласной бібліятэцы імя У.І. Леніна
Міжнародны дзень роднай мовы, што адзначаецца 21 лютага, адсвяткавалі ў абласной бібліятэцы імя У.І. Леніна.
У арганізацыі імпрэзы ўдзельнічалі пісьменнікі.
Свята сабрала ў бібліятэцы прадстаўнікоў розных пакаленняў — вядомых беларускіх літаратараў, такіх як Уладзімір Ясеў, член Саюза пісьменнікаў Беларусі, прарэктар па вучэбнай рабоце МДУ імя А.А. Куляшова, Мікалай Леўчанка, член Саюза пісьменнікаў Беларусі, выдатнік друку РБ, заслужаны журналіст Беларускага Саюза журналістаў, Віктар Кунцэвіч, лаўрэат Нацыянальнай літаратурнай прэміі 2024 года, Леанід Іскроў, член Саюза пісьменнікаў Беларусі, Валянціна Габрусева, член Саюза пісьменнікаў Беларусі, і іншых.
З пісьменнікамі свята адзначылі і маладыя знатакі беларускай мовы. Навучэнцы з палітэхнічнага і сацыяльна-гуманітарнага каледжаў да святкавання Міжнароднага дня роднай мовы падрыхтавалі выступленні ў нацыянальных беларускіх касцюмах.
Асаблівую атмасферу стварала наяўнасць членаў Саюза пісьменнікаў Беларусі, якія прадставілі ўвазе прысутнічых свае творы на роднай мове. Пачынаючы ад тэматыкі хуткаплыннасці часу і заканчваючы разважаннямі пра Вялікую Айчынную вайну: як праз гэта праходзіў беларускі народ.
Акрамя таго, навучэнцы каледжаў падрыхтавалі і сваю маленькую літаратурную праграму. Юнакі з натхненнем дэкламавалі творы класікаў беларускай літаратуры, якія запалі ім у душу.
У рамках падзеі адбылася дыскусія пра важнасць захавання і развіцця беларускай мовы. Пісьменнікі падзяліліся сваім бачаннем ролі роднай мовы ў фарміраванні нацыянальнай самасвядомасці і захаванні культурнай спадчыны. Асаблівая ўвага была нададзена пытанням папулярызацыі беларускай мовы сярод моладзі.
Падобныя мерапрыемствы служаць важным мостам паміж пакаленнямі, спрыяюць захаванню і развіццю багатай культурнай спадчыны Беларусі. Яны сведчаць, што цікавасць да роднай мовы не згасае, а атрымлівае новае развіццё дзякуючы сумесным сустрэчам прадстаўнікоў розных пакаленняў.
