Татьяна Подлипская-Гришаева 21 лютага – Міжнародны дзень роднай мовы! Магілёўскае абласное аддзяленне Саюза пісьменнікаў Беларусі разам з абласной бібліятэкай імя У.І.Леніна ў гэты дзень ладзяць літаратурны марафон “З табой маё слова, Радзіма”.
— На мерапрыемстве мы яшчэ раз пераканаемся ў тым, якая наша родная мова багатая, самабытная і непаўторная, — падкрэсліў старшыня Магілёўскага абласнога аддзялення Саюза пісьменнікаў Беларусі Алесь Казека.
На пляцоўцы сустрэнуцца пісьменнікі, супрацоўнікі бібліятэкі, навучэнцы ўстаноў адукацыі горада.
Запрашаем на свята роднай мовы!
