Татьяна Подлипская-Гришаева У Магілёўскім абласным аддзяленні Саюза пісьменнікаў Беларусі адбыўся справаздачны сход.
Пісьменнікі падвялі вынікі 2023 года. Год у аддзяленні выдаўся насычаным і плённым, багатым на міжнародныя, рэспубліканскія і абласныя мерапрыемствы. Членамі Магілёўскага аддзялення СПБ выдадзена 20 кніг, апублікавана шмат артыкулаў, апавяданняў, вершаў у часопісах і газетах, праведзена больш за 800 творчых сустрэч з чытачамі. Аддзяленне плённа развіваецца ў напрамку літаратурнай крытыкі.
Пашыраюцца і мацнеюць сувязі аддзялення з тэатрамі і эстрадай. Прыклад гэтаму тэатральныя пастаноўкі па творах паэтаў аддзялення і выкананне песень, напісаных на словы Магілёўскіх пісьменнікаў, прафесійнымі артыстамі.
Работа аддзялення вядзецца ў цесным узаемадзеянні з Магілёўскім абласным выканаўчым камітэтам, дзяржаўнымі і грамадскімі арганізацыямі вобласці.
На справаздачнай сустрэчы пісьменнікі атрымалі магчымасць ацаніць вынікі мінулага года, абмеркаваць і зацвердзіць планы на год будучы.
