Татьяна Подлипская-Гришаева У МДУ імя А.А Куляшова прайшоў конкурс "Гонар і мужнасць - 2022". Сёлета шэсць студэнтаў розных факультэтаў падчас творчага спаборніцтва сталі героямі серыяла "Вострыя брылі" і прымерылі на сябе модныя ў пачатку ХХ стагоддзя вобразы, яскрава прадэманстравалі асабістыя рознабаковыя таленты. Фірменную статуэтку конкурсу атрымаў студэнт факультэта фізвыхавання Дзмітрый Янчанка.
–"Гонар і мужнасць" праводзіцца раз у два гады. Мы яго чаргуем з конкурсам “Універсітэцкая прыгажуня”. Акцэнт робім на папулярызацыю роднай мовы. Штогод у кожнага з іх свая тэматыка, – удакладняе начальнік аддзела па выхаваўчай рабоце з моладдзю МДУ імя А.А. Куляшова Кацярына Сапетава.
