Татьяна Подлипская-Гришаева Конкурсныя прагляды абласнога агляду-конкурсу аматарскіх тэатральных калектываў “У далонях маёй Беларусі” праходзяць у Магілёве. Сёння сваё майстэрства тут дэманструюць творчыя калектывы з Магілёва, Бялыніцкага, Магілёўскага, Быхаўскага, Круглянскага і Шклоўскага раёнаў.
У фінале, які пройдзе ў сакавіку ў Магілеве, прымуць ўдзел лепшыя разнажанравыя аматарскія тэатральныя калектывы,тэатры мініяцюр, якія дзейнічаюць на базе клубных устаноў вобласці.
Агляд-конкурс праводзіцца дзеля захавання і развіцця тэатральных традыцый Магілёўскай вобласці, выяўлення новых творчых калектываў тэатральнага жанру. Арганізатарам з’яўляецца ўстанова культуры “Магілёўскі абласны метадычны цэнтр народнай творчасці і культурна-асветнай работы”. Сёлета абласны агляд-конкурс прысвечаны Году міра і стварэння.
